Luftbild TapfheimKindergartenRathaus FrontLuftbild OppertshofenRathaus 2SeeOppertshofenOrtseingang ErlingshofenBrachstadtSonnenaufgang DonauLuftbild Donaumünster-ErlingshofenLuftbild Brachstadt
Link verschicken   Druckansicht öffnen
 

Mundart in dr' Gmoid

28. 07. 2021

So, griaß Gott beinand,

 

heid schreibe zledschd mol ebbes, weil iatzt schdodd ja widdr mehr zom Lesa em Amdsblatt denn, weil se beim oi odr andra Verei mea was riart.

 

A nedds Briafle habe no griagt iebr d‘ Brachschdädr Kirwe:

Ganz friar war beim Fritz Kirewdanz em Saal oba. Do war was los. Danzd hommr ond luschdig wars. Gschwidzd hommer weil so viele Leid do waran ond os neidruggt en dr Bag denn g‘hockt send. Z‘ Wasser isch an dr Wad na gloffa, abr schea wars. Ond dr‘ Fritz mid seine luschdige Schbrich hod os emmr gfalla. O iatzt vorm Schützaheim wars schea. Ond erschd des guade Essa. Mei Ma hod emmr an Broda gessa ond i hab abr liaber dia Supp gessa. Glei zwoi Dellr, weils hald gar a soo guad war…

 

Nommel ebbes habe gfonda en mein Haufa:

 

Afdermede Nommedag

Dr Schmid sagt: iatzt hab i gnua ond sperr am Afdermede Nommedag mei Wergstad zua. Beim hoimganga hod er se dengt, dass‘r doch mid seim Magdale was macha keand. Drhoida ziagt ‘r ds Werchdegwand aus, hold sei grealechda Manscheschderhos ond a scheans Hemmad aus’m Kaschda raus ond ziagd sei nuie Gneiber a.     Heid Nommedag gond os zom karwedla. Ond wenn ned recht oglamber bisch, griagsch o an Bolla Eis verschbrichd ‘r seim Magdale…. 

 

Iatzt hab i no a baar bsondre Sacha raus gsucht, kennan dr iebrlega was des isch. Ond iatzt mach mers wia bei de Kendr, wer mr a Briafle mid dr Lösung schiggt, griagt a Iberraschung. Bene g’schband ob se ebbr riart:

 

Gomber

Oierhabromiase

Bauzga

a Bridsch

a Wix

a Stroasag

an Rupfa

Miggde

an Ranne

a Kudd

gsood

Ruaba

a Loas

Biber

an Heckl

Brigale

Glugg

Heckr

schlorba

Drialer

greina

Grend

Glomb

gruschdla

Oiraschmalz

loasad

zallwander

ieberzwerch

ääad

Razza

Bagasch

käeb

gnoch

Gsichtslomba

gnigad

 

So, iatzt hon dr a Arbad.

 

I hoff, ui hod des gfalla was mr de ledschde Wucha ens Blädle nei hond. Gfred hod me, dass doch a baar ebbes hergeba hond. Ond manche hond se drbei richdig verkeeschdld. Iatzt gugg mer amol was dr Urlaub so brengt. Wenn alle recht weid zom lefla gond ond dr oi odr ander ebbes midbrengt, muas e zledschd em Herbscht widdr was schreiba.

 

Bleiband gsood ond an scheana Gruaß

 

Dr‘ Burgamoischdr

 

Kontakt

Gemeinde Tapfheim

Ulmer Str. 66
86660 Tapfheim

 

Tel.: 0 90 70 / 96 66 - 0

Fax: 0 90 70 / 96 66 - 80

 

Veranstaltungen

Nächste Veranstaltungen:

21. 10. 2021 - 17:00 Uhr

 

26. 10. 2021 - 19:00 Uhr

 
Öffnungszeiten des Rathauses:
  • Montag 8 bis 12 Uhr
  • Dienstag 8 bis 12 Uhr
  • Mittwoch 8 bis 12 Uhr
  • Donnerstag 16 bis 18 Uhr
  • Freitag 8 bis 12 Uhr